GILI 75
“Ake hum me! Bitche man!”
(Jesajah 6:8)
1. Dikh, bud brindjrenn kek ladj buda,
lan krik o lab o Dewlestar!
I dinle, jon penenn, gai dell
kek Dewel, job i soor nashrell.
“Koon djal, rakrell dran peskro dji,
sharell ko jek lab, hoi man hi?”
(REFRAIN 1)
“Rai, dikh, ake hum me, me djau!
Pral tiro moldo lab rakrau.
Kek wawar sharepen nai deh man:
Ake hum, rai, bitche man!”
2. “O Dewel, job sowell”, penenn
i tsele, gai kek ladj brindjrenn.
Patsenn, ap hoi dran barra hi,
i lowe kokres an o dji.
”Koones bitchrau, jon te haiwenn,
i choli mandar jon dikenn?”
(REFRAIN 2)
“Rai, dikh, ake hum me, me djau!
Me tiri gole sorles dau.
Kek wawar sharepen nai deh man:
Ake hum, rai, bitche man!”
3. I latche ma haiwenn kowa:
Tchilatche wenn tchilatcheda!
Pal tchatchepen rodell i dji,
hoi latches, ninna gamles hi.
“Koonestar well i latcho lab
kolenge, gai rowenn o ratt?”
(REFRAIN 3)
“Rai, dikh, ake hum me, me djau!
I tsiro lenge me man lau.
Kek wawar sharepen nai deh man:
Ake hum, rai, bitche man!”
(Dikh ninna an Gilja 10:4; Hesekiel 9:4)