GILI 111
Hoske mer bachteles ham
(Mateo 5:12)
1. Koi bacht hoi men hi, hi i bari,
hi moldeder har sonakai.
O Dewel tserdell manushen, un
jon wenn an o Khetnepen kai.
Koi bacht, hoi men hi, hi i tchatchi,
i bibla pral late tchinell.
Kol laba krenn bachtles, un jaake
o patsepen sorleder well.
Koi bacht, hoi men hi, joi chatchella,
har jag, hoi chatchell an o dji.
Te hi men probleme,
haiwah mer: I soor o Deblestar men hi.
(REFRAIN)
Jehowah, tu hal mari bacht.
Halauter, hoi kral, shukar hi.
Kek nashte haiwell, har bares tu hal,
Tu hal latcho an tiro dji.
2. O bolepen, i phub, o pani,
i matche, i tchirkle, o kham –
ap kowa, hoi job kras, dikah mer,
kamah les sharell, kai mer ham.
Mer djah, ladjah gar, un kamah pral
o Debleskro Them te rakrell.
Ko Them an o bolepen tardo,
bud prossepen menge anell.
Koi bacht hake tsireske well, ha
har o diwes, kai well pal i rat’.
O bolepen hi kanne newo,
un sigo i phub, hawi bacht!
(REFRAIN)
Jehowah, tu hal mari bacht.
Halauter, hoi kral, shukar hi.
Kek nashte haiwell, har bares tu hal,
Tu hal latcho an tiro dji.
(Dik ninna an 5. Mose 16:15; Jesaja 12:6; Johanni 15:11)