Bachteles hin kola, gai krenn pengro dji i wawarenge bares

1. I Dewles hi i latcho dji,

job mange dell, hoi latches hi,

job krell man bachtles ap i phub;

ma hunte dell man jaake bud.

I doosh job ninna nai bistrell,

penau me leske: “Man khaitell

koi doosh, hoi me krum.” Te mangau,

me leskro latcho dji haiwau.

2. Te krum i doosh, me man ladjau.

I jakka pandles, me rowau,

penau an miro mangepen

ko lab, hoi das o Jesus men:

“I doosh tu te bistress, mangau.

Me i wawrengri doosh bistrau.”

O Dewel jaake latcho hi,

i bacht haiwau me an m’o dji.

3. I latcho dji man ninna hi.

wawren tsikrau me koj shini.

Me dau wawren m’o latchepen,

me lendar ’mau kek sharepen.

O Dewel, job dikell, hoi krau,

i prossepen me lestar lau.

Te krau me kowa, bachtles hum,

an o Dewleskro dji me wum.