Har o Dewel ap o ratt dikella

Te wals an mende kek ratt, nashte djiwams mer gar. Doleske kai kerdas o Dewel men, nai penell lo menge ninna, har te djas trul o ratteha. Hoi penell lo pral o ratt? Nai well ratt mendar chado, oder menge an i transfusiona dino? Un har te djinas mer pash koi themra, hoi menge tchatchepah mishto hi?

1. Har dikell o Jehowah ap o ratt?

O Jehowah penas ap peskre menshende: “An o ratt hi o djipen” (3. Mose 17:14). O ratt hi i Jehoweske jaake har o djipen, hoi lo men das. An leskre jakka hi o djipen bud moldo. Doleske hi leske ninna o ratt jaake bud moldo.

2. Hoi te kras gar o ratteha?

An o phuro tsiro penas o Jehowah ap peskre menshende, te chan le kek ratt (Dik pal an 1. Mose 9:4, un 3. Mose 17:10). Kol phrala, kai pal i Jeseste i pralstune sikepangre hins, penan ninna ko lab, hoi o Deblestar was: “Pijenn kek ratt” (Dik pal an Bitchepangre 15:28, 29).

Hoi kharell kowa, te pijas kek ratt? Penas kowa wawar labentsa: Te penals tiro dramaskro ap tute, te pijess kek chatchedi buder, palle rikrals tut ap leskro lab. Chajals tu kanna tchomone, kai chatchedi dren hi, oder mukals tu tut o chatchedi i subjah an tiri mussi te dell? Kowa krals tu gar! Jaake hi kowa ninna kola labentsa o Deblestar. Mer pijah kek ratt, un chah kek mass, hoi gar win rattas. Chapen, kai tchiwan le ratt mank, chah mer witar gar.

Un hoi hi, te kamenn dramangre ratt te dell? Ratt hi menge kek medizina. Te lams ratt, wals kowa gar an i harmonia ko labeha o Deblestar. Doleske mukah mer men kek ratteskri transfuniona te dell, un witar gar kola star bare kotja, dran hoi o ratt kerdes hi: Lole un parne Blutkörperchen, Blutplättchen, un Blutplasma. Kote denn aber ninna wawar therapije, kola nai wenn an i harmonia o Debleskro labeha. Har kanna, te wenn dran kola star bare kotja o rattestar tikne kotja tsardemen. Kola tikne kotja kharenn Fraktione. Oder an i wawar therapija well jekeskro eigeno ratt lines. An sawi situationa hunte penell hakeno peske kokres, hoi lo kamell te krell (Galatarja 6:5).a

RODAS DUREDER

3. Kre kowa, hoi i Jehowes bachteles krella

Harmonierell i therapija ko labeha, hoi o Dewel menge penella? Te dikan o VIDEO, rakrenn khetne pral kowa, hoske te djas pal kowa, hoi kanna wella.

VIDEO: Har te djiness nai, hoi tuke mishto hi, te djala pral tiro sasstepen un o ratt (5:47)

• Mange o Debles pal gosewepen (Jakobo 1:5)

• Rode pal biblakre prinzipje, hoi tuke o drom sikrenna (Gosewe Laba 13:16)

• Putch, hawe therapije halauter denna.

• Kre tuke i shero pral kola therapije, te djiness, hoi tu gar kameh.

• Kre kowa jaake, kai hi tut i djudjo dji glan o Debleste (Bitchepangre 24:16).b

• Ma biste: Kek nai penell tuke, hoi te kress, te djala pral kowa, hoi ap gadjkenes Gewissensentscheidung kharella — witar gar koleha tu romedino hal, kek Phurester, un ninna gar tiro biblakro sikepaskro (Remarja 14:12).

• Tchin kowa pre, hawi therapija tu kameh, un hawi gar.

4. Jehoweskre Rakepangre rodenn pal kowa, hawi therapija o fetester hi

Ninna te rikrah men o rattestar krik, jaake har o Dewel kowa kamella, nai lah mer i fetester therapija. Dikenn o VIDEO.

VIDEO: Interview: Professor Dr. Massimo P. Franchi (1:36)

Dikenn pal an Tito 3:2, un rakrenn khetne pral:

• Hoske hunte sikras mer dramangrenge, kai ham kooperativ un latcho? Un hoske sikras lenge mari respekta?

Hoi gar lah	Hoi hakeno kokres hunte djinella
A. O Ratteskro Plasma.	Tikne kotja (Fraktione) dran o Ratteskro Plasma
B. Parne Zelle (Blutkörperchen).	Tikne kotja (Fraktione) dran kola Parne Zelle (Blutkörperchen)
C. Rattengri Kotja (Blutplättchen).	Tikne kotja (Fraktione) dran kola Rattengre Kotja (Blutplättchen)
D. Lole Zelle (Blutkörperchen).	Tikne kotja (Fraktione) dran kola Lole Zelle (Blutkörperchen)

5. Te hin tikne kotja (Rattengre Fraktione) dren

O ratt hi kerdes dran star bare kotja: Lole Zelle (Lole Blutkörperchen), Parne Zelle (Parne Blutkörperchen), Rattengre Kotja (Blutplättchen), un o Ratteskro Plasma. An kolende denn pale tikneder kotja. Kola kharenn Rattengre Fraktione.c Sawe Fraktione wenn an i medizina lino, te merell i nasslepen tele, oder ninna, te rattell jek buder gar.

Te djala pral kola Rattengre Fraktione, hunte djinell hako christo peske kokres, hoi un hawe job kamell te lell, un hoi un hawe gar. Hakeneskro Gewissen, hoi was i biblatar trainieremen, penell leske kowa. Ko jek mukell sawi therapija gar te krell, un ko wawar kamell kola Fraktione an peskri therapija te lell.

Te hunte peness tu, hoi tu kameh te krell, putch tut kokres:

• Har penums me i dramaskreske, hoske un hawe Rattengre Fraktione me lau, un hoske un hawe gar?

HOI KATE PENLO WAS

O Jehowah kamell, te dikas ap o ratt jaake, har job ap o ratt dikella.

Hoi penals tu?

• Hoske hi o ratt an i Jehoweskre jakka jaake bud moldo?

• Hoske well ko labeha, te ma pijas ratt, ninna pral i ratteskri transfusiona rakemen?

• Har nai djineh tu, hoi tuke mishto hi, te djala pral o ratt un tiro sasstepen?

BUDEDER

Kate drawereh, pral hoi te kress tuke i shero, te djala pral therapije, kai lenn le jekeskro eigeno ratt.

“Hoi Drawepangre Putchan” (O Gardeskro Kheer, Oktober 15, 2000)

Kate drawereh, pral hoi te kress tuke i shero, te djala pral Rattengre Fraktione.

“Hoi Drawepangre Putchan” (O Gardeskro Kheer, Juni 15, 2004)

Kate hatseh, hoske i dramaskro patsella, kai kowa, hoi o Jehowah pral o ratt penella, menge mishto hi?

“Me dikau jaake ap o ratt, har o Dewel” (Djangrenna!, Dezember 8, 2003)

Kate dikeh, har win rodede Phureste pengre phralenge un phenjenge koi hin.

O Jehowah hi i nasslenge koi (10:23)