1Mozesh
6 Kana majbut manusha sas pe phuv, thaj sheja rakhadyiline len, 2 le chache Devleske shave dikhle, ke le manushenge sheja shukaraj, thaj kas feri kamenas, romnyake line. 3 O Jehova atunchi kado phendas: „Muro duxo, chi avla mindig pachate karing o manush, ke voj anda mas si. Anda kado leske dyesa feri 120 bersh avna.” 4 Ande kodola dyesa, thaj vi pala kodo, nefila sas pe phuv. Ande kodi vrama le chache Devleske shave, tele pashjile le mansuhenge shejenca, thaj kodolen shave kerdyile. Von sas le bare anaveske ande dulmutane vrami. 5 Anda kodo, o Jehova dikhlas, ke baroj le manushengo nasulipo pe phuv, thaj feri karing o nasul cirdel lengo jilo. 6 O Jehova ande kado bunundas, ke manushes kerdas pe phuv, thaj brigako sas ande pesko jilo. 7 Apol, kado phendas o Jehova: „Khosavtar le manushes pa e phuv, kas kerdem. Le manushes, le khereske allaton, thaj le kasave allaton, sar o sap, thaj le chereske chirikjan, ke me bunuj, ke kerdem len.” 8 De o Noe drago sas, anda le Jehovaske jakha. 9 Kado pelaspe le Noesa: o Noe chacho manush sas. Patyivalo sas mashkar kodola, kaj trajilas. O Noe le chache Devlesa phirdas. 10 Thaj pala kado le Noeveske trin shave kerdyilas: o Shem, o Ham, thaj o Jafet. 11 De e phuv rumusardyilas angla o Del, thaj pherdo sas marimatasa. 12 Kana o Del pe phuv boldas peske jakha, dikhlas, ke kodo rumume si, ke sako manushesko drom nasul sas. 13 Atunchi o Del kado phendas le Noeveske: Reslas o agor sakone trajindeske, ke pherdo si e phuv le marimatasa. Anda kado pustisarav vi len, haj vi la phuva. 14 Ker tuke jekh hajovo, ando kasavo kasht sar o cedrush. Ulav les, thaj ker andre but thana, thaj makhles les ricasa vi andral, thaj vi avral. 15 Kade ker o hajovo: 300 kuja lungo t’avel, thaj 50 kuja bulho t’avel, thaj 30 kuja ucho t’avel. 16 Ker fejastra po hajovo, haj kodi jekh kuj t’avel kathar lesko opralutnipe, ke cerra adre shaj te pekhel o kham. Pe leski rig ker o vudar. Thaj ker jekh telalutno, jekh mashkarutno, haj vi jekh oprelutno kotor. 17 Thaj me shordyimasko paji anava pe phuv, ke te mudarav sako teshtos pe phuv, sako, ande soste le trajosko duxo si. Mudarav sakofelo, so pe phuv si. 18 De tusa colax phandav. Zha andre ando hajovo, tu, thaj tusa tye shave, tyi romnyi, thaj tye shavenge romnya. 19 Inger andre ando hajovo anda sakofelo allato dujen, jekh mursh thaj jekh zhuvji, anda kodo, ke perdal te trajin tusa. 20 Anda sakofelo chirikjin, anda sakofelo allaton, anda sakofelo kasavo allaton sar o sap, inger andre tusa duj-duj anda sakofelo, ke perdal te trajin tusa. 21 Thaj kide kethane sakofelo xamasko, t’avel so te xas vi tuke, vi le allatonge.” 22 Thaj o Noe sakofelo kade kerdas, sar o Del phendas leske. Sakofelo kade kerdas.