Roma
11 Ke zhukarav te dikhav tumen, te zurarav tumen, thaj te dav tumen duxosko lashimo, 12 vaj feder, te zuraras jekhkaveres amare patyamosa, tume man tumaresa, me pale tumen muresa. 20 Ke ande la lumako kerdyipe dichol, ke sosko si voj, ke ande kodola shaj len sama, ova, leski zor so chi nachola, thaj kodo ke voj si o Del, kasaven naj len muntujipe. 21 Ke von, apol pinzharen le Devles, de chi asharen les, sar Devles, haj chi phenen najis leske, feder lengo gindimata shushej, haj lengo jilo anda tunyarnyiko si, thaj chi hatyaren khanchi. 22 Apol, von kado phenen, ke von godyaveraj, de dile kerdyiline, 24 Anda kado o Del mukhlas kodo, ke lengo jilo biuzho kamipe te keren, thaj lazhavo te anen pe pengo teshto. 25 Von parude le Devlesko chachipo pe kodo, so xoxamnoj. Kodoleske den patyiv, thaj keren sunto slugipo, so kerdas o Del. Thaj na kodoles patyivinen, kon sakofelo kerdas, thaj anda kodo, les trubul te asharen. Amen. 26 Anda kado o Del mukhlas, ke te keren le zhungale sexualisha butya. Lenge zhuvja chi kamenas le murshen, feri le zhuvjan. 27 Thaj vi le mursha mukhle so uzhoj, kodo, ke kethane te aven le zhuvjanca, feder jekhavresa kamenas kethane te aven, le mursha le murshenca te keren zhungalimata, thaj vi resline pengo potyinimo anda pengo bezexa. 28 Thaj anda kado, ke von chi kamenas te pinzharen le Devles, o Del mukhlas, ke nasul gindura te aven len, thaj nasul butya te keren. 29 Von zurales bi chachej, nasulaj, thaj kodo kamen te lel, so naj lengo. Naj lashe, haj xanzhvare manusha, kon mudaren, xape keren, xoxaven, nasul kamen le kaverenge, thaj nasul vorbi phenen pe kavera, 30 xoxaven pe kavera, gracon le Devles, phutyardej, thaj barimangej. Feri pe kodo gindisaren, che nasulipo shaj te keren, thaj chi mukhenpe penge dadenge haj dejange, 31 naj len hatyarimo, von chi inkren pengi vorba, naj ande lende kamipo, thaj lengo jilo nasul si. 32 Apol chaches pinzharen le Devlesko chacho krisi, ke kon kasave butya keren, trubul te meren, de inke na feri majdur kerena kadala butya, feder jekh hatyaren kodalenca, kon kasave butya keren.