Jakab

2 Phralale, feri na kade phanen tume kaj o patyamo, so ando Jezush Kristus ando amaro Raj si, ke ke majanglal len mashkar tumende varikas? 2 Phenas, jekh mursh andre zhal pe tumaro programo, somnakune angrustyenca pe leske naja, thaj ande shukara gada, de vi jekh chorro andre zhal, ande melale gada. 3 Tumen pale avrivazden thaj majfeder dikhen pe kodola, kon le shukar gada phiraven, thaj kodo phenen: „Tu kathe besh tele, pe kado lasho than”, le chorreske pale kodo phenen: „Tu ash tordyindo”, vaj: „Kothe besh tele pe kodo than, tele, pasha mure punre, po cino skamin.” 4 Kade te keren, atunchi manushen vazden opre mashkar tumende, thaj bendyale krisake manusha san, na kade si? 8 Akanak, te keren, so mangel le krajicko kris, thaj sar so iskirinde: „Kam tye phrales, sar tut”, mishto keren. 12 Sako vrama kade vorbinen, haj kade te keren, sar kas jekh slobodo niposko kris krisarena. 13 Ke kon chi sunuj, kodoleste bisunuijimasko avla e krisi. O sunujimo pale tele marel e krisi. 14 Sosko kuch si anda kodo, kana varikon kodo phenel, ke siles patyamo, de kerdyimata naj les? Hajkam muntul les kasavo patyamo? 15 Haj kana jekh phraleske, vaj jekh phenyake naj gada, haj naj dosta xamasko leske, 16 varikon pale mashkar tumende kodo phenel leske: „Zhatar pachasa, tatyu haj chaju!”, de chi den leske kodo, so leske teshtoske trubuj, sosko lashipo si kodo? 17 Vi o patyamo kasavoj, ke te naj kerdyimata pasha leste, atunchi muloj anda peste. 18 De kodo phenel varikon: „Tut si patyamo, man kerdyimata si. Sikav mange tyo patyamo bi kerdyimatango, me pale perdal pa mure kerdyimata sikavav tuke muro patyamo.” 19 Patyas, ke jekh Del si? Mishto keres. De vi le demonura patyan, thaj daran. 20 Apol kames te zhanes tu dilo manush, ke o patyamo, bi kerdyimatango chi resel khanchi? 23 Kade, andre pherdyilas o iskirimo, so kado phenel: „O Abraham patyalas ando Jehova, thaj ande kado chachikane manusheske phende les”, thaj le Jehovaske amaleske akharde les. 26 Ova, sar o manush muloj biduxosko, kade vi o patyamo muloj, te na keresa khanchi.