1Mozesh

4 Kade pelaspe, kana kerdyilas o cheri thaj e phuv, kana kodol kerdyile, pe savo dyes o Jehova Del phuv thaj cheri kerdas. 7 Apol, o Jehova Del anda la phuvako praxo kerdas le manushes, haj phurdas ande lesko nakh le trajesko phurdimo, haj kade o manush zhuvindo kerdyilas. 9 Thaj o Jehova Del pe phuv sakofelo kashtes beshajardas, so fajilas le jakhenge, thaj lashoj te xan les. Vi le trajosko kasht beshajardas pa barako mashkar, thaj vi le lashipesko thaj nasulesko zhanipesko kasht beshajardas. 15 O Jehova Del apol ande le Edenesko bar shutas le manushes, te grizhil pe kodo. 16 O Jehova Del inke vi kadi vorba das le manusheske: „Pe la barako sako kasht shaj xas, zhi kaj chajos. 17 De po lasho, thaj nasul zhanipesko kasht si, tena xas, ke savo dyes xasa pa leste, vi meresa.” 18 O Jehova Del kado phendas: „Naj mishto le manusheske korkoro, kerav leske kon zhutil les, kasa jekh avla.” 22 Thaj o Jehova Del avri las andar o manush jekh pashavro, zhuvja kerdas, thaj kothe ingerdas la kaj o manush. 23 O manush atunchi kado phendas: „Kadi aba anda muro kokalo si kokalo, thaj mas si ande muro mas. Zhuvji t’avel lako anav, ke anda mursh line la avri. 24 Anda kado o mursh mukhel peske dades, thaj peska deja, thaj cirdel kaj peski romnyi, thaj dujzhene jekh avna.