Asharimata

3 Patya ando Jehova, thaj ker lasho! Besh pe phuv, thaj patyivales ker tye butya! 8 Mukh e xoji, haj mukh e nasul gindo, na xojar tut, te na keres nasul. 9 Ke le nasulen pustitina, de kon ando Jehova patyan, pe kodol mukhena e phuv. 10 Inke jekh cerra vrama, thaj chi avena majbut nasula, dikhes lengo than, thaj chi avna kothe. 11 De e phuv pe le pachake mukhena, thaj losshana, ke mindig ande bari pacha trajina. 27 Bolde tut kathar o nasul, ker so lashoj, thaj atunchi biagores shaj trajis. 28 Ke o Jehova kamel o chachimo, thaj chi mukhel peske patyivalen. Pe lende mindig sama lela, de le nasulen thaj lenge shavoren, mudarela. 29 Pe le chache ashola e phuv, thaj mindig pe late beshena. 34 Patya ando Jehova, phir pe lesko drom, thaj opre vazdela tut, te ashol pe tute e phuv. Dikhesa, kana pustitin le nasulen. 39 Le chachen muntusarel o Jehova, voj garadyol len ande phare vrama. 40 O Jehova zhutil len, haj muntisarel len. Voj muntil len kathar le nasula, haj anda kado slobodisarel len, ke kaj leste roden garadyimo.