1Mozesh

1 Anglunes kerdas o Del o cheri thaj e phuv. 2 Atunchi e phuv inke pusta thaj shushi sas, thaj tunyariko sas pe paja. Thaj le Devleski sunto zor uralas opral pe paja. 20 Pala kadi kado phendas o Del: „T’aven ando paji but zhuvindimata, thaj te uran po cheri kerdyimata!” 21 Thaj o Del kerdas sar lengo falos si, la bara pajake allaton thaj sakofelo trajo, so ande paja mishkinpe thaj trajin, thaj sakofelo, so uran, sar lengo falos si. Thaj dikhlas o Del, kado lashoj. 24 Kodo phendas pala kado o Del: „Te anel angle e phuv zhuvindimata sar lengo falo si: khereske allaton, thaj kasaven, sar o sap, thaj vadni allaton pe phuv sar lengo falo si!” Thaj vi kade kerdyilas. 25 O Del pala kado kerdas la phuvake vadni allaton, sar lego falos si, le khereske allaton sar lengo falos si, thaj kasaven, sar o sap, sar lengo falos si. Thaj dikhlas o Del, ke kado lashoj. 26 Pala kado, kado phendas o Del: „Keras manushes, kon pe amende cirdel, haj kon kasavo si, sar amen. Ke te rajilpe pe pajake masha, pe chereske chirikja, pe allatura, haj pe intrego phuv, vi pe sako allatura so mishkinpe pe phuv.” 27 O Del pala kado, kerdas le manushes, kade, te cirdel pe leste, haj t’avel kasavo sar voj. Mursheske, haj zhuvjake kerdas len. 28 Pala kado o Del aldindas len, haj kado phendas lenge: „T’aven tumen shavora, t’aven butzhene, haj pherdyaren andre la phuva, la phuva traden tela tumaro rajipe! Rajin tumen pe pajake masha, pe chereske chirikja, haj pe sako zhuvindo, so mishkinpe pe phuv!”