1Mozesh

3 O sap majfeder las sama sar le majbut vadni, so o Jehova kerdas. Thaj kade vorbindas kaj e zhuvji: „Vi chaches kodo phendas o Del, ke chi pe jekh kasht nashtig xan?” 2 E zhuvji kodo phendas le sapeske: „Shaj xas pal le kashtengo frukto. 3 De pe kodo kasht so mashkaral si ande bar, pe kodolesko frukto, o Del kado phendas: »Te na xan, chi te na unzon leste, ke merena.«” 4 O Sap pe kado phendas la zhuvjake: „Chi merena. 5 Ke zhanel o Del ke savo dyes xana pe leste, avri puterdyon tumare jakha, thaj kasave avena sar o Del, zhanena so si o lasho, thaj so si o nasul.” 6 E zhuvji pale dikhlas, ke le kashtesko frukto lashoj te xan les, kasavoj, so shukar si le jakhenge. Ova, mishto sas te dikhen po kasht. Kade tele las ande lesko frukto, thaj xalas ande leste. Pala kado das vi peske romes, kana kodo lasa sas, thaj vi voj xalas. 15 Haj xoji kerav mashkar tute, haj mashkar e romnyi, haj mashkar tyire shavora, haj mashkar lake shavora. Voj kethane phagrela tyo shero, haj tu pale shines lesko punro. 16 Kodo phendas la romnyake: „Igen bararav tyo dukh, kana shavores zhukares. Tyire shavoren dukhasa anes pe luma, thaj tyiro jilo bokhajvela pala tyo rom, apol voj rajila pe tute.” 17 Kado phendas le Adameske: „Ke shundan pe tyi romnyaki vorba, thaj xalan pa kodo kasht, pa soste, kodo phendem tuke, te na xas, anda kado armaj t’avel pe phuv anda tute. Anda tyo trajo sako dyes dukhasa, thaj khinyosa kidesa kethane tyo xamasko pa e phuv. 18 Kanro t’avel pe phuv, thaj le maleski zelenimata trubul te xas. 19 Le paja marena tu, kade xasa tyiro manro, zhi kaj palpale zhas ande phuv, ke anda kodo kerdyilan. Ke praxo san, thaj palpale zhasa ando praxo.” 23 Pala kado o Jehova avri nashadas les andar le Edeneski bar, te grizhil e phuv anda soste kerdyilas. 24 Avri nashadas le manushes, thaj pasha le Edenesko chachi rig kerubon tordyardas, te len sama jagale xanresa, savo boldelpe, te na zhan po drom, savo kaj le trajosko kasht ingrel.