Job

1 Anda le Uceski phuv trajindas jekh manush, kas le Jobeske akharenas. Kado manush chacho, patyivalo manush sas, kon patyivilas le Devles, thaj krujindas o nasul. 6 Apol avilas kodo dyes, kana le chacho Devleske shave anda kado aviletar, ke angla o Jehova te ashen. Vi o Beng avilastar. 7 Atunchi o Jehova kado pushlas kathar o Beng: „Kathar aves?” O Beng kado phendas le Jehovaske: „Pe phuv somas, thaj andre phirdem la.” 8 O Jehova kodo phendas le Bengeske: „Dikhlan mure slugas, le Jobos? Naj kasavo pe intrego phuv. Patyivalo thaj vortako manush si, daral kathar o Del, thaj krujil o nasulimo.” 9 O Beng kade das palpale vorba le Devleske: „Anda o khanchi daral o Job le Devles? 10 Bar vazdan krujal leste, karing lesko kher, thaj karing sakofelo, so lesko si, sama te les pe leste! Leske vasteski butyi zhutin dan, thaj but allatura kerdyile les pe phuv. 11 De puter avri tyiro vast, thaj mar tele sakofelo, so lesko si, thaj zhanav, ke armaja dela tut ande tyire jakha.” 12 O Jehova kade das duma le Bengeske: „Sakofelo, so si les ande tyiro vast si. De po Job nashtig vazdes opre tyiro vast!” O Beng pala kado gelastar angla o Jehova. 13 Pa kodo dyes, kana le Jobeske shave thaj sheja xaline thaj mol pile ando lengo majphuro phralesko kher, 14 avilas jekh manush kaj o Job, thaj kadi vorba andas leske: „Le guruvnya butyi kerde pe phuv, thaj le magara char xale pasha lende, 15 kana le shabeushura pe lende geline, thaj ingerde len, thaj mudarde xanresa le slugan! Feri me zhanglom te nashavtar, te phenav tuke, so pelas.” 16 Inke vorbilas kodo, kana avilas jekh kaver manush, thaj kado phendas: „Le Devleski jag avilas tele andar o cheri, pustisardas le bakren thaj le slugan, thaj phabardas len! Feri me zhanglom te nashavtar, te phenav tuke, so pelas.” 17 Inke vorbilas kodo, kana avilas jekh kaver manush, thaj kado phendas: „Le kaldeushura ande trin kumpania avile, ingerde sa le tevuran, thaj mudarde xanresa le slugan! Feri me zhanglom te nashavtar, te phenav tuke, so pelas.” 18 Inke vorbilas, kana pale avilas varikon, thaj kado phendas: „Tyire shave thaj sheja xaline thaj mol pile ando lengo majphuro phralesko kher, 19 kana sigo bari balval avilas kathar e pusta, mishkisardas le khereske shtar kolcon, kade pe le therne shindyilas, thaj von mule! Feri me zhanglom te nashavtar, te phenav tuke, so pelas.” 20 Atunchi opre ushtyilas o Job, shingerdas peske gada, tele shindas peske bal, thaj pe phuv bandyardas pes, 21 thaj kado phendas: „Nanges avilom avri andar mura dako per, thaj nanges zhav palpale. O Jehova das les, o Jehova las les. Te asharen vi pala kado le Jehovasko anav!” 22 Pe kodo but, pe soste perdal gelas o Job, de chi kerdas bezex, thaj khanchi nasul chi phendas po Del.