1Peter

2 ke peski vrama so palal si inke ando teshto, na ande manushenge voja te trajil majdur, feri anda kodo, so o Del kamel. 3 Ke dostaj, ke zhikaj kadi vrama pengo trajo kathar le niponge kamipe trajisardine, kana zhungali butyi kerde, anda sexualisha butya chi inkerde palpale tumaro jilo, tele matyile, thaj butivar but xanas, thaj pile, thaj angla xoxamne dela dine changa, thaj kodo bi krisako sas. 4 Aba akanak, kana tumen chi phiren lenca, thaj chi keren kethane lenca kadala zhungalimata, ande soste von majdur zhan, von chi hatyaren tumen, thaj kushen tumen. 7 Pashe si sakofalesko agor. Aven apol godyavera, haj len sama, haj te rudyin zurales! 8 Anglunes, zurales kamen jekhavres, ke o kamipo sharavel but bezexa. 9 Te zhukaren kamipesa jekhavres, thaj te na xojajven. 11 Varikon vorba te del, kade te phenel, sar le Devleski vorba te phenlas; varikon, kana le Devleski butyi kerel, kade te kerel peski butyi, kon kamel zor te lel kathar o Del, thaj ande sakofelo te patyivil le Devles pal o Jezush Kristush. Ke leskoj e patyiv thaj e zor ande sako vrama. Amen. 14 Ke anda le Kristushesko anav prassan tume, losshake sanle, ke le asharimasko duxo, ova, le Devlesko duxo si pe tumende.