1Korintus

6 Kana varisaves xape si le kaveresa, sar tromal angla le bichache te rodel krisi, thaj na angla le sunti? 2 Vaj chi zhanen, ke le sunti pe intrego luma krisi shinena? Thaj kana tume pe intrego luma shinena krisi, chi zhanen ande cine butya krisi te shinen? 3 Chi zhanen, ke pe le andyala shinasa krisi? Atunchi sar te na zhanasas ande kasavende te shinas krisi, so ande kado trajo aven opre? 4 Te si varisoski xapeski butyi ande kado trajo, sostar mangen kasaven te shinen krisi, kas e khangeri chi lel andre? 5 Anda kodo phenav kadala, te lazhan tumen. Naj mashkar tumende chi jekh godyaver, kon zhanelas krisi te shinel mashkar peske phrala? 6 Ande kadalesko than, o phral le phralesa xalpe, angla kodol, kon chi patyan! 7 Kan xan tume jekhavresa, kodolesa aba xasarde. Sostar chi mukhen feder, t’aven karing tumende bichachimaske? Sostar chi mukhen, te xoxaven tumen? 9 Chi zhanen, ke xoxamne chi avna kothe ande le Devlesko krajipo? Te na ingren tumen rigate. Kon ande zhungale sexualisha butya trajin, xoxamne devlen rudyin, colax phagen, homosexualisha mursha, mursha kon murshenca pashjon, 10 kon choren, kon chi zhanen so si o dosta, matyarde, kon kushen, thaj kon darajimosa anda pesko vast inkrel kaveren, chi anvna kothe ande le Devlesko krajipo. 11 Kasave sas unyizhene mashkar tumende. De uzheske thode tumen, suntosarde thaj chacheske phende tumen ande le Jezush Kristushesko, ande amare Rajesko anav, thaj amare Devleske duxosa. 12 Sakofelo slobodoj mange, de na sakofelo zhutil. Sakofelo slobodoj mange, de chi mukhav kodo, ke variso te ingrel man. 18 Nash kathar le zhungale sexualisha butya! Sako kaver bezexa, so jekh manush shaj te kerel, avral si pa lesko teshto, de kon zhungale sexualisha butya kerel, kodo peske teshtoske kerel bezex. 19 Ke chi zhanen, ke tumaro teshto le suntone duxoski khangeri si, so kathar o Del line? Kade chi sanle tumare, 20 ke but potyinde anda tumende! Anda kado asharen le Devles ande tumaro teshto.