1Korintus

24 Pala kodo po agor, perdal dela o krajipo peske Devleske, haj Dadeske, pala soste nachardas sako krajipe, sako baripe, haj zor. 25 Ke zhikaj kodo trubul t’avel kraj, zhikaj sa peske xojarden, o Del chi shudela tala peske punre. 26 Pala kodo nachola o paluno xojako, o meripe. 27 Ke o Del, „sa tala peske punre shudas”. Da kana kodo phenel, ke sa tela leste shuttas, numa korokoro kodo na, kon tela lesta shuttas sakofalo. 28 Pala kado, kana o Del sa tela leste shuttas, atunchi vi o Shavo tela shola pes kodoleske, kon sakofelo tela leste shuttas, ke o Del t’avel sakofelo sakoneske. 33 Te na ingren tumen rigate. E nasul kumpanija rumul le lashe butya. 42 Kade avla vi kana le mule opre ushtyona. O teshto ando rumujipe beshajaren, kana opre ushtyel, aba nashtig rumujpe. 43 Ando zhungalipe beshajaren les, ando asharimo ushtyel opre. Ando kovlipe beshajaren les, ande zor ushtyel opre. 44 Ando phuvako teshto beshajaren, duxosko teshto ushtyel opre. Te si phuvako teshto, si vi duxosko. 45 Vi kade si iskirime: „O angluno manush, o Adam, zhuvindo manush kerdyilas.” O paluno Adam duxo kerdyilas, kon trajo del. 58 Apol mure kamade phrala, zurales te tordyuven, te aven avri inkerde thaj mindig te keren majbut ande le Rajeski butyi, ke zhanen, ke tumari butyi naj anda khancheste.