Mate

19 O Jezush pala kadala vorbi anda e Galilea le Judeako agor gelas, perdal po Jordano. 2 Butzhene gele pala leste, thaj sastyardas len. 3 Thaj farizeusha gele kothe leste ke kamenas te zumaven les, thaj phushle lestar: „Slobodoj jekhe mursheske ande barsoste te mukhel peska romnya?” 4 Kade das palpale vorba: „Chi ginade ke kon kerdas len, aba anglal mursheske thaj zhuvjake kerdas len, 5 thaj kado phendas: »Ande kado o mursh mukhel peske dades thaj peska deja, thaj cirdel kaj peski romnyi, thaj le duj jekh avla.« 6 Kade von aba na duj, pale jekh si. So pale o Del kethane xutyildas, kodo manush te na shinel.” 7 Von kado phende leske: „Atunchi sostar iskirindas o Mozesh kodo, ke mukhlimasko lil trubul te del, thaj kadej trubul te bishavel la?” 8 Voj kado phendas lenge: „O Mozesh feri anda kodo mukhlas tumenge te bishaven tumara romnyan, ke tumaro jilo kasavoj, sar o barr. De anglunes na kade sas. 9 Phenav tumenge, kon mukhel peska romnya, de e romnyi chi kerdas zhungale sexualisha butya, thaj kavera romnya lel, colax phagel.” 10 Leske sityarde kado phende leske: „Te kade si mashkar le rom, thaj mashkar le romnyi, atunchi majmishtoj te na lel romnya.” 11 Kado phendas lenge: „Na sako manush zhanel te kerel kodola vorbi, feri kodola, kaske o Del zhutil te kerel kodo. 12 Ke si kon kade rakhadyiline, sar eunukho, thaj si kas le manusha kerdine kasavenge, thaj si vi kasave eunukha, kon pen kerdine eunukheske anda o cheresko krajipo. Kon kade zhanel te trajil, te trajil kade.” 13 Atunchi cine shavoren ingerde leste, te shol pe lende pesko vast, thaj te rudyil, de le sityarde xanas pe lenge dadenca thaj lenge dejenca. 14 O Jezush pale kodo phendas: „Mukhen t’aven mande le shavora, thaj na tordyaren len, ke kasavengo si le cheresko krajipe.” 15 Thaj pe lende shutas pesko vast, thaj gelastar kothar. 21 O Jezush kado phendas leske: „Bidoshako te kames t’aves, zha, bikin tyo barvalimo, de les le chorrenge, thaj kincho avla tut ando cheri. Thaj av manca!