1Korintus

3 De kothe te dav sa muro barvalipe, ke kavera te shaj xan, haj gata te som te dav muro trajo, te asharav man, de kamipe naj ande mande, khanchi chi mol mange. 4 O kamipo zhanel te zhukarel, thaj dragoj. O kamipo chi daravel, chi asharelpe, chi phutyarelpe, 5 chi kerel nasules, chi rodel pesko mishtipo, chi xojarel, haj so dukhal, chi inkrel anda pesko jilo. 6 Chi losshal le nasuleske, de so chacho, kodoleska losshal. 7 Sa dukh phiravel, sa patyal, sa losshasa dikh anglal, haj soha chi del opre. 8 O kamipo soha chi nachola. De kodo, ke varikon zhanel te phenel so avla, vaj vorbil pe shiba, thaj ke jekh manush perdal pe chuda pinzharel variso, kodola xasajvena. 11 Kana shavoro simas, kade vorbinos sar jekh shavoro, kade gindinos man, sar jekh shavoro, thaj kade sityaros, sar jekh shavoro. Ke aba mursh kerdyilem, mukhlem kodo, so le shavora keren. 13 Anda kado, akanak kadala trin ashola, a patyamo, o azhukarimo, haj o kamimo. De mashkar kadal o kamimo si o majbaro.