1Korintus

3 O rom te del peska romnyake, so lake lashoj, haj vi e romnyi peske romeske. 4 La romnya naj raj pe lako teshto, de le romes si; haj chi le romes naj raj pe pesko teshto, de la romnya si. 5 Na mukhen korkorre jekhavres, feri jekhavresa te vorbisarde kado, haj feri pe kodi vrama, haj anda kado, te zhanen majbut te rudyinen. Pala kado, pale t’aven kethane, ke o Beng te na zumavel tumen, anda kodo, ke chi zhanen palpale te inkren tumen. 10 Kodolenge, kon ande colax trajin, vorba phenav, de na me, o Raj, ke e romnyi te na mukhel peske romes. 11 De vi te zhalatar, te ashel korkori, vaj te kerel pacha peske romesa. Chi o rom te na mukhel peska romnya. 12 Le majbutenge pale kodo phenav, ova, me, ne o Raj: varisave phrales kasavi romnyi te si, kon chi patyal, de kodi lesa kamel te beshel, te na mukhel la. 13 Thaj jekha romnya kasavo rom si, kon chi patyal, de kodo lasa kamel te beshel, te na mukhel peske romes. 16 Ke kathar zhanes, tu romnyi, ke chi muntusaresa tyire romes? Vaj kathar zhanes, tu rom, ke chi muntusaresa tyira romnya? 29 Pasha kado kodo phenav, mure phral, ke cerra vrama si palal. Kathar kado, kas si romnyi, kasave t’aven, sar kas naj, 30 kon roven, kasave, sar kon chi roven, kon losshan, sar kon chi losshan, kon kinen, sar kas naj, 31 thaj kon hasnin kadala luma, sar kon chi len intregi hasna. Ke boldelpe e luma. 32 Ova, me kodo kamav, pachake t’aven. Kas naj romnyi, lesko majbaro gindo kodo si, sar t’avel drago le Rajeske, kodi butyi so leske kerel. 33 De kas si romnyi, pe kodo gindil, so la lumakoj, ke sar t’avel drago peska romnyake, 36 De te varikon kade gindil, te chi lel romnya, shajke dosh kerela, thaj te aba opre barilas, atunchi te kamel, te lel romnya, kade chi bezexarel. 38 Apol kon romnya lel, mishto kerel, de kon chi lel, kodo inke majmishto kerel. 39 La romnya krisi phandel kaj pesko rom, zhi kaj kodo trajil. De te merela lako rom, slobodoj pe kodo, romeste te zhal, kaste kamel, de feri kasaveste, kon pala o Raj zhal.