Mikeash

4 Ande le palune dyesa le Jehovaske kheresko plaj, zurales tordyola, opral pel plaja. Majopre vazdadyol kathar le cine plaja, thaj nipura shordyona kothe. 2 But nipura aven, thaj kado phenen: „Aven, zhas opre pa le Jehovasko plaj, kaj le Jakobeske Devlesko kher! Voj sityarela amen pe peske droma, ame pale pe kodola phiras.” Ke ando Shiono avel e krisi, thaj le Jehovaski vorba andar o Jeruzhalemo. 3 Krisi shinela mashkar but nipo, thaj lasharela bare, durutne niponge butya. Andar penge xanra chokano keren, sosa pusaven, andar kodola kat kerena. Nipo po kaver nipo xanro chi vazdel, thaj chi sityon majbut maripe. 4 Sakono tela peski drakh thaj tela pesko kasht beshela, thaj khonyik chi daravela len, ke le bute ketanengo Raj, o Jehova phendas kado. 5 Sako nipo pala pesko del zhal, ame pale, pala Jehova, pala amaro Del zhas mindig.