1Janosh

6 Ame kathar o Del sam. Kon pinzharel le Devles, shunel pe amende, kon naj kathar o Del, chi shunel pe amende. Kade zhanas opre te pinzharas, ke savo si le chache duxoski vorba, thaj savo si le xoxamne duxoski vorba. 7 Mure kamade, vi majdur kamas jekhaveres, ke o kamipo kathar o Del si, thaj kon kamel, kathar o Del rakhadyilas, thaj pinzharel le Devles. 8 Kon chi kamel, kodo chi pinzhardas le Devles, ke o Del kamipo si. 9 Le Devlesko kamipe anda kodo sikadyilas, ke o Del kamel amen, ke bishaldas ande luma peske shaves, trajo te avel amen ande leste. 10 O kamipo naj anda kodo si, ke ame kamlam le Devles, feder ke o Del kamlas amen, thaj bishaldas peske Shaves, ke kothe te del pesko trajo anda amare bezexa. 11 Mure kamade, te o Del kade kamlas amen, atunchi vi ame trubul te kamas jekhavres. 16 Ame, kon patyasas, vi pinzhardam kodo, ke o Del kamel amen. O Del kamipo si, thaj kodo, kon sako vrama kamel, kodo kethane si le Devlesa, thaj vi o Del kethane si lesa. 19 Apol ame anda kodo kamas, ke anglunes voj kamlas amen. 20 Kon kodo phenel: „Kamav le Devles”, thaj inke zurales xojajvel pe pesko phral, atunchi kodo xoxavel. Ke kon chi kamel peske phrales, kas dikhel, nashtig kamel le Devles, kas chi dikhel.