1Janosh

8 Kon avri inkrel ando bezex, kodo kathar o Beng si, ke o Beng mindig bezex kerel, aba zhi anglal. Le Devlesko Shavo anda kodo avilas, khancheske te kerel, kodo so o Beng kerdas. 10 Ande kadala shaj pinzharen opre, ke kon si le Devlesko shavoro thaj kon si le Bengesko shavoro: kon na o chachipe kerel, na kathar o Del si, thaj chi kodo, kon chi kamel peske phrales. 11 Ke vi dulmut aba kodi vorba shunde, te kamas jekhkaveres. 12 Na kade, sar o Kain, kon kathar o nasul sas, thaj mudardas peske phrales. Thaj anda soste mudardas les? Ke o Kain nasul kerdas, lesko phral pale chacho kerdas. 15 Kon pe pesko phral zurales xojajvel, kodo sa kasavoj, manushes te mudarelas, thaj zhanen, ke khanyikas, kon mudarel, chi avla lungo trajo. 16 Ke voj kothe das pesko trajo anda amende, kade hatyardam soj o chacho kamipo, anda kado, vi amenge kothe trubul te das amaro trajo anda amaro phrala. 17 Kas pale si barvalipe, thaj dikhel peske phrales ke naj les, thaj chi sunuj les, kodo sar shaj phenel pe peste, ke kamel le Devles? 18 Mure shavorale, na vorbasa te kamas, kade ke vi te keras variso thaj uzhe jilesa. 19 Kade zhanasa, ke pasha o chachipo tordyuvas, thaj shaj avel pachako amaro jilo, ke o Del chi shinel pe amende krisi 20 ande kodo, ande soste shajke amaro jilo krisi shinel pe amende, ke voj majbaroj kathar amaro jilo, thaj sakofelo zhanel. 21 Mure kamade, kana amaro jilo chi shinel pe amende krisi, tromasa shaj boldas ame karing o Del, 22 thaj so feri mangas, del les amenge, ke muj patyas leske, thaj kodo keras, so fajil leske.