2Timoteus

3 Kodo pale te zhanes, ke ande le palune dyesa phare vrami avna. 2 Ke le manusha pen kamena thaj le love, barimange avna, phutyarde, kushena, chi patyana le dadengo thaj le dejango muj, chi najisina, chi avna patyivale, 3 chi avla anda lende kamipe, chi zhanena jekh te hatyaren, xoxavena, chi zhanena palpale te xutyilenpe, vadni, o lashipe chi kamena, 4 ande purrina, kon pala pengo shero zhan, avri phagen pengi korri, feder o shukaripe kamena, na le Devles, 5 thaj kade mezila ke kamen le Devles, de chachikanes na kade trajin. Kathar kadala manusha bolde tu. 6 Ke mashkar kadal si kodala, kon choral andre zhan ande khera, haj phanglenge shon le romnyan, kon kovlej, thaj lengi bezexa pharoj lenge, thaj kon pala pengo jilo zhan, 7 kon mindig sityon, de o chachipo soha chi pinzharen uzhes. 12 Chachikanes, sa kodolen, kon sar le Kristush Jezusheske sityarde, kade kamen te trajin, ke chaches te slugin le Devles, nashavena len. 13 Le nasul, thaj xoxamne manusha majdur zhana ando nasulipe, thaj rigate ingren kaveren, thaj vi len rigate ingren. 14 De tu, vi majdur te patyas anda kodo, so sityilan, thaj so pinzhardan, ke zhanes, ke kastar sityilan kodo. 15 thaj zhi kathar cino sanas pinzhares e sunti iskirimata, save godyavereske zhanen te shon tut, te muntusardyos anda tyo patyamo ando Kristush Jezush. 16 O intrego Iskirimo kathar o Del si, thaj lashij te sityarel, thaneste te shol, te lasharel, palpale te xutyilel, kodo te keras, so chachoj. 17 Kade le Devlesko manush zuralo avla, thaj pe sako lasho gata avla.