2Tessalonika

3 Kado hatyaras anda amaro jilo, ke mindig trubul te najisaras le Devleske anda tumende. Haj kado mishto si kade, ke tumaro patyamo igen zurares barol, haj majzurales kamen jekhavres. 4 Anda kado, asharas tumen ande le Devleski khangera, thaj phenas lenge kodo, ke tumen sar inkren avri, haj sosko zuralo patyaimo si tumen anda nashavjipe, haj sakofelo pharimata trajinen perdal. 5 Kado kodo sikavel, ke le Devlesko kris chacho, haj ke vi majdur pe kado drom phiren, tumen dosta lasho avna pe le Devlesko krajipo, anda soste pharimata trajinen perdal. 6 Ke kathar o Del kodo si o chachipe, ke kikidyimasa te potyinel kodalenge, kon tumen kikiden, 7 haj pacha dela vi tumenge, thaj vi amenge, kon kikidyimata trajinen perdal, kana o Raj, o Jezush sikadyola anda cheri, kethane peske bare andyalonca, 8 thaj ande phabalo jag krisarela pe kodol, kon chi pinzharen le Devles, haj kon chi mukhenpe le lashi vorbake, so pa o Jezush, pa amaro Raj vorbil.