Aposhtola

15 Unyi zhene avile anda e Judea, thaj kodo sityarenas le phralenge: „Te chi shinen tumen krujal, sar e Mozesheski kris phenel, nashtig muntosardyon.” 2 De pala kado, kana o Pal, thaj o Barnabash chi hatyarde jekh lenca, thaj anda kado baro xapo sas mashkar lende, kodo vorbisarde, ke o Pal thaj o Barnabash, thaj inke unyizhene mashkar lende, te zhan opre ando Jeruzhalemo kaj le aposhtolura thaj kaj le phrure, te vorbinen perdal kadi butyi. 12 Pe kado le manusha chi phende khanchi, thaj shunde le Barnabashes thaj le Pales, kon vorbisarde, ke soske bare somnura thaj chudimata kerdas o Del mashkar le nipura perdal pa lende. 13 Kana aba chi vorbinde khanchi, o Jakab das duma: „Murshale, phralale, shunen mande! 14 O Shimeon vorbilas pe kodo, sar boldas anglunes o Del peske jakha pa le nipura, ke nipo te lel mashkar lende peske anaveske. 15 Thaj kado jekh si le profetengi vorbenca, sar iskirime si: 16 »Pala kado palpale avav, thaj pale opre cirdav le Davidesko kher, so pustisajlas. Opre cirdav, thaj pale pe pesko than shuvav, 17 ke kon ashen mashkar le nipo, kethane le manushenca, kon muro anav phiraven ando sako nipo, zurales te roden le Jehovas. Kado phenel o Jehova, kon kerela kadal, 18 so aba dulmut shaj te pinzharel.« 23 Kado iskirinde, thaj perdal pa lende bishaldine: „Kathar tumare phrala, kathar le aposhtolura, thaj kathar le phure, tumenge, kon ande Antiochia, ande Siria thaj ande Cilicia kerdyile phrala mashkar le nipuri: T’aven baxtale, thaj saste! 24 Ke ashundam, ke unyizhene mashkar amende geletar, thaj penge vorbenca xojardine tumen, thaj zumade te dukharen tumaro jilo, apol ame chi bishaldam len te phenen kadala vorbi. 25 Sakon mashkar amende kade dikhlam mishtoske, ke murshen bishavas kaj tumende, kethane amare kamade phralenca, le Barnabashes, thaj le Pales. 26 Kadala kasave manushaj, kon kothe dine pengo trajo anda amaro Rajesko, le Jezush Kristushesko anav. 27 Bishaldam apol le Judashes, thaj le Silashes, ke vi von te vorbinen pa kadala butya. 28 Ke o sunto duxo, thaj vi ame, kade gindindam, ke mishto avla, ke khanchi pharipe te na shas pe tumende, feri kadala so trubul: 29 Te inkren tume dur kathar le xoxamno Dela, kathar o rat, kathar le tasade allatura, kathar le zhungale sexualisha butya. Sama te lena tume kathar kadala, mishto avla tumenge. T’aven saste!” 30 Kadala, kana bishaldine kodolen, gele ande Antiochia, thaj kethane kidine o intrego grupo, thaj perdal dine lenge o lil. 31 Von, kana ginadeles, igen losshanas, thaj kado troma das len.