Aposhtola

5 Jekh mursh, kasko anav Ananiash sas, haj leski romnyi, e Safira, bikindine jekh phuv. 2 Haj voj, haj leski romnyi choral palpale inkerdas variso anda la phuvako ahor, haj na e intrego love dine le aposhtolonge. 3 De o Peter kade das duma: „Ananiash, anda tyo jilo sostar mukhlan le Bengeske, haj xoxaves le suntone duxoske, haj garadan varisode anda la phuvako ahor? 4 Angla kado, kana bikindan, na tyiro sas kodo? Thaj pala kado, kana bikindan, na tu phenes, so kames te keres le lovenca? Sostar kerdan kasavo nasulimo? Na le manushenge xoxadan, feder le Devleske!” 5 Kana o Ananiash ashundas kadala vorbi, kethane pelas, haj mulas. Pe kado zurales bari dar xutyildas kodolen, kon ashundine kado. 6 Thaj unyi terne kothe avile, anda dikhle shute les, avri ingerdine les, haj praxosardine les. 7 Pala trin chasura andre gelas leski romnyi, kon chi zhanelas, so pecisajlas. 8 O Peter pushlas latar: „Phen mange, chachikanes pe kattyende bikindine la phuva?” Kodo kado phendas: „Ova, pe kattyi.” 9 Pe kado o Peter kado phendas lake: „Sostar vorbindan kethane tye romesa, ke te zumaven le Jehovasko duxos? Dikh! Kon praxosardine tye romes, kaj o vudar tordyon, haj vi tut avri ingren.” 10 Atunchi voj kethane pelas kaj le Petereske punre, haj mulas. Kana le terne pale andre avile, mules arakhle la, pe kado avri ingerdine la, haj praxosardine la pasha lako rom. 11 Atunchi bari dar xutyildas la intregona khangera, haj sa kodalen, kon kadal ashundine. 27 Pala kodo kothe ingerdine len, thaj angla le krisaki manusha tordyarde len. O majbaro rashaj pala kodo avri pushlas len, 28 thaj kado phendas: „Zurales phendam tumenge, te na sityaren majdur ande kodole manushesko anav, tume pale inke andre pherdyarde o Jeruzhalemo tumara sityarimasa, thaj avri gindinde, ke amen doshajaren ande lesko meripo.” 29 O Peter thaj le majbut aposhtola kado phende: „Sar rajeske, le Devleske trubul majfeder te mukhasame, sar le manushenge. 30 Amare dadengo Del opre ushtyardas le Jezushes, kas tume pe jekh kasht opre cirdine, thaj mudardine. 31 O Del opre vazdas les, thaj pasha pesko chacho vast beshadas les, sar le majbares, kas voj bishaldas, thaj kon muntul, ke o Izrael te bunuj peske bezexa, thaj kodola bezexa jertisarimo te len. 32 Thaj ame dikhlam kadala butya, thaj vi o sunto duxo, so o Del das kodolenge, kon mukhen pen leske, sar rajeske.” 33 Kana kado ashundine, opre xojajline, thaj kamle te mudaren len. 34 De jekh farizeusho mashkar le krisaki manusha, o Gamaliel opre tordyilas. Voj angla o intrego nipo patyivalo krisako sityaripo sas. Thaj kodo manglas, te bishaven avri le manushan pe cerra vrama. 35 Pala kodo las te vorbil: „Izraelicka murshale, len sama pe tumende, ke so keren kadala manushenca! 36 Ke na dulmut kothe sas o Teudash, thaj voj kodo phendas pa peste, ke voj baro manush si, thaj anda kodo shtarshela mursh tordyardine pasha leste. De mudarde les, thaj kon patyanas leske, kodola nashletar, haj xasajline. 37 Haj pala leste, anda kodola dyesa, kana sas o kethane iskiripe, kothe sas o Galileicko Judash, voj pa peste pashardas le manushen. De vi voj mulas, haj kon pala leste gele, kodola sa nashletar. 38 Me akanak kodo phenav tumenge, ke len sama pe kadala manusha, thaj den pacha len. Ke kadi butyi kathar manusha te si, atunchi xasajvela. 39 De te kathar o Del si, nashtig zhanen palpale te tordyaren len. Thaj len sama pe kodo so keren, ke inke kasave avena, sar kon maren tumen le Devlesa” 40 Atunchi shunde pe leski vorba, thaj akharde le aposhtolen, marde len, thaj zurales phende lenge, te na vorbina majdur ande le Jezushesko anav, thaj bishaldine len. 41 Anda kado, le aposhtola losshasa gelinetar angla le krisaki manusha, ke dosta lasheske inkerde, ke anda le Jezushesko anav lazhavo te trajinen perdal. 42 Thaj ande khangeri thaj kher kherestar sako dyes siytarenas e lashi vorba po Kristush, kon si o Jezush.