Izaiash

11 De tumen mukhen le Jehovas, thaj bistren muro sunto plaj, kon mesaja keren angla le baxtesko del, thaj kon mol shoren le baxteske devleske. 13 Anda kado, kadi phenel o majbaro Raj, o Jehova: „Mure slugi xana, de tume maj bokhajvena. Mure slugi pena, de tume trushajvena. Mure slugi losshana, de tume lazhajvena. 14 Mure slugi losshasa cipina, ke lashoj lengo jilo, de tume cipina, ke dukhala tumaro jilo, thaj rovena thaj jajgatina, ke phagerde san le. 17 Ke nyevo cheri thaj nyevi phuv kerav, thaj le dulmutane butya chi ande godyi chi aven, thaj chi aven opre ande khanyikasko jilo. 21 Khera kerena, thaj beshena ande lende, drakh beshajarena, thaj xana lesko frukto. 22 Na kade keren khera, kavera te beshen kothe, na kade beshajaren, kavera te xan o frukto. Ke sar le kashtenge dyesa, kasave avna mure niposke dyesa, thaj kon murej, sa zurales losshana penga butyake. 23 Na po khanchi keren pengi zurali butyi, na po chorrimo avla len shavoro, ke kasave si von, kas aldil o Jehova, lenge shavorenca kethane. 24 Inke angla soste cipinena, aba me palpale dav vorba, inke vorbin, thaj me aba shundem len. 25 O ruv, thaj o bakro kethane xana, e vadno muca sulum xala, sar o guruv, le sapeske o praxo avla lesko xamasko. Chi azban, thaj chi pustitin khanyikaj pe amaro sunto plaj” - kado phenel o Jehova.