Godyaver Vorbi

6 Muro shavo, te shinadan, ke tu zhutis pe varikaste, tyo vast te dan le strenoske, 2 te anda phaglipe san, ke shinadan variso, te tyi vorbi phaglen tut, 3 atunchi, muro shavo, ker variso, te muntusardyos tut, ke ande jekh kaver manushesko vast perdan. Zha, bandyar tele tut, thaj zurales mang les. 4 Na mukh suno t’avel pe tye jakha, vaj te soven feri jekh cerra. 5 Cirde tut avri, sar e gazella anda phanglipo, thaj sar e chirikji, anda kodolesko vast, kon phangle inkrel la. 6 Tu, kon chi kames te keres butyi, zha kaj le kir, haj dikh sar trajil, haj av godyaver. 7 Naj les, kon kodo phenel, so trubul te kerel, vaj kon tradel les, haj naj les raj, 8 haj vi kade, milaj getol pes, haj pala kado kethane kidel pesko xamasko. 9 Haj tu, kon chi kames te keres butyi, zhi kaj pashjos? Kana ushtyes anda tyo suno? 10 Jekh piko sovjipo, jekh cerra pashjos majdur, jekh cerra tele shos tut, haj kethane shos tyo vast, 11 haj sar jekh chor avel tyo chorrimo, haj tyo kikidipe, sar jekh mursh, kon pesko xanro ingrel. 16 Shov butya si, pe soste o Jehova zurales xojajvel. Ova, efta butya, kathar soste gracolpe: 17 putyarde jakha, xoxamni shib, kon patyivalesko rat lel, 18 kaske nasul si lengo jilo, le punre, so po nasulimo sidyaren, 19 kon avri boldel o chachipe, kon feri xoxavel, thaj kodo, kon xoji kerel mashkar le phrala.