Aposhtola

9 O Saul, kon inke vi majdur zurales xojardas pe le Rajeske sityarde, haj kado phendas, ke mudarena sakones. Anda kado gelastar kaj o majbaro rashaj, 2 haj lila manglas lestar kaj o Damaskusicki zhinagogi, ke phangles ando Jeruzhalemo te shaj anavel kodole murshen haj zhuvjan, kas rakhel mashkar kodola, kon pe kodo Drom zhan. 3 De sar zhalas po drom, haj pashardyolas karing o Damaskuso, pecisajlas, ke sigo, anda cheri kasavo, sar o kham kerdyilas krujal les. 4 Tele pelas pe phuv, haj vorbi ashundas, so kodo phendas leske: „Saul, Saul, sostar nashaves man?” 5 Voj kado pushlas: „Kon san tu, Raja?” Kodo kado phendas: „Me som o Jezush, kas tu nashaves! 6 De akanak ushtyi opre, haj zha andre ando foro, kothe maj phenena tuke, ke so trubul te keres.” 7 Le mursha, kon lesa sas, chudindes tordyonas. Ke ashundine apol o hango, de chi dikhle khanyikas. 8 O Saul pale opre tordyilas pa phuv, de kana avriputerdas peske jakha, khanchi chi dikhelas. Kade leske vast xutyilde, haj ingerde les ando Damaskuso. 9 Zhi kaj trin dyes chi dikhelas khanchi, chi xalas, haj chi pelas khanchi. 10 Sas ando Damaskuso jekh Ananiash anavesko sityardo, kaste o Raj ande sikadyipo kade das duma: „Ananiash!” Voj pale kado phendas: „Kathe som, Raja!” 11 O Raj kade phendas leske: „Ushtyi opre, zha anda kodo vulica, savesko anav: Vorta. Rode ande Judashesko kher jekh manushes, kasko anav Saul, haj kon ando Tarzus si. Ke akanak rudyil, 12 haj anda sikadyipo dikhlas jekhe Ananiash anaveske manushes, ke andre avel leste, haj pe leste shol pesko vast, te lel palpale pesko dikhlipe.” 13 De o Ananiash kodo phendas: „Raja, aba butendar ashundom pa kado manush, ke sode nasulimata kerdas tye sityardenca ando Jeruzhalemo. 14 Vi kathe pale zor siles kathar le majbare rashaja, ke te phandel sa kodolen, kon po zhutipe akharen tut.” 15 De o Raj kodo phendas leske: „Feri zha, ke avri vazdam les, ke te ingrel muro anav angla le nipura, angla kraja thaj vi le Izraelitenge. 16 Ke me uzhes sikavav leske, ke sode but dukh trubul te trajil perdal anda muro anav.” 17 Pe kado o Ananiash gelastar, thaj andre gelas ando kher, pe leste shutas pesko vast, haj kodo phendas: „Saul phrala, o Raj Jezush bishaldas man, kon sikadyilas tuke po drom, pe savo avilan, ke te dikhes, haj te pherdyos suntone duxosa.” 18 Pe kado, sigo, kade, sar kana variso tele pelas pa leske jakha, haj palpale xutyildas pesko dikhlipe. Pala kado opre ushtyilas, haj bolardaspe, 19 thaj xalas, haj zurardyilas. Unyi dyesa inke kethane ashilas le sityardenca, kon ando Damaskuso sasle, 20 haj sigo vorbindas ande le zhinagogi, ke o Jezush si le Devlesko Shavo. 21 Sa kodola, kon ashunenas les, chudinaspe, haj kado phendine: „Na kadoj kodo, kon ando Jeruzhalemo zumadas te mudarel kodolen, kon po zhutipe akharenas le Jezushes? Haj vi kathe na anda kodo avilas, ke phangles te ingrel len kaj le majbare rashaja?”