Izaiash

35 Vojako avla e pusta, thaj e shuki phuv, thaj losshako avla o than, kaj naj khanchi, thaj kasavo avla, sar jekh shukar luludyi. 2 Chaches luludya anel, vojasa thaj losshasa cipil. Le Libanonesko asharimata xutyilel, le Karmelesko, thaj le Sharonesko shukarimo. Dikhena le Jehovaske barimata, ova, amare Devleske shukarimata. 5 Atunchi le korrenge jakha, thaj le kashukenge kana, puterdyona. 6 Atunchi maj xuttyela o bango, sar o cherbo, thaj losshasa cipila le mutoski shib. Ke paja shordyona ande pusta, thaj cine paja, kaj so avri si shuko e phuv. 7 Pe phuv, so o kham phabardas, kasavo paji avla, pasha soste char si, thaj pe trushali phuv paji avel opre. Kothe, kaj le vadni zhukela beshenas, zeleno char, thaj kasavi char barol, so pasha paji si. 8 Thaj avla kothe jekh baro drom, ova, jekh drom, saves Suntone dromeske phenena. Chi phiren pe kodo biuzhe. Feri kodola shaj phiren pe leste, kaske mukhena, thaj chi rakhen kothe le dile. 9 Chi avla kothe vadno muca, thaj chi avena kothe vadni allatura. Chi jekhes nashtig rakhen kothe. Feri le muntusarde phirena pe leste. 10 Kas o Jehova muntusardas, palpale aven, thaj ando Shiono avena, thaj cipina ande lossh. Mindig lossh avla pe lengo shero. Losshan thaj xutty keren, nacholtar e briga, thaj chi lena pharo dyi.