Godyaver Vorbi

2 Muro shavo! Te shunesa, so phenav tuke, haj kucheske inkres mure vorbi, 2 ke te shunes tyire kanesa po godyaverimo, haj putres tyo jilo angla o pinzharimo, 3 vi te cipisa pa o hatyarimo, thaj barares tyo hango anda o pinzharimo, 4 te sako vrama rodes kadala sar o rup, thaj sar e garade barvalimata, 5 atunchi hatyaresa, sar zhanes te des patyiv le Jehovas, thaj chaches pinzharesa le Devles. 6 Ke o Jehova del godyaverimo, anda lesko muj avel o pinzharimo, o hatyarimo. 10 Kana godyaverimo zhal ande tyiro jilo, thaj kana o sityarimo mishto perel tuke, 11 atunchi o godyaverimo sama lela pe tu, thaj uzhes dikhesa, so opre inkrel tu, 12 te muntul tut kathar kodo, pe nasule dromes te zhas, thaj kathar kodola manusha, kon avri boldine butya vorbin, 13 kon mukhen o chacho drom, ke po tunyariko drom te phiren, 14 kon mishto hatyarenpe ando nasulimo, thaj lossh rakhen ando nasulimo, thaj ando matyimo,