Malakiash

10 Anen andre le intrego deshto ande kher, ke t’avel xamasko anda muro kher, thaj mangav tumen, kadalesa zumaven man - phenel le ketanengo Jehova -, ke atunchi putrav tumenge le cheresko vudara, haj le aldashi, so me shorav pe tumende, dosta avla kaj tumaro trajo.” 16 Atunchi kodola, kon zurales patyivin le Jehovas, vorbinas jekhavresa, sakono peske amalesa. O Jehova pale dikhelas, thaj shunelas len. Thaj ginadyi iskirinde angla leste pa kodola, kon zurales patyivin le Jehovas, thaj pa kodola, kon gindisajven pe lesko anav. 17 Kado phenel le bute ketanengo Raj, o Jehova: „Mure avna pe kodo dyes, kana jekh igen shukar nipos kerav anda lende. Anda muro jilo sunusaro len, sar jekh dad sunul peske shaves, kon muj patyal leske. 18 Thaj tume pale dikhena ke kaver si, kon si o chacho, thaj kon si o nasul, mashkar kodo, kon slugil le Devles, thaj mashkar kodo, kon chi slugil les.”