1Tessalonika

2 Ke majanglal sar zhanen, dukhajimata, haj azbaimata reslas amen ando Filippi, de perdal kodo zhutimo, so amaro Del das amenge, ame pale tromake zhanas te avas, thaj vi anda nashajimata vorbinas tumenge le Devleski lashi vorba. 6 Chi kodo chi kamasas, ke manusha te asharen amen, chi tume, chi kavera, ke sar le Kristusheske aposhtola, shaj avilamas pe tumaro pharipe, te zhantar tumare love pe amende. 7 Feder drago samas karing tumende, sar e zhuvji, kon shavores piavel, thaj dragoj peske shavorenca. 8 Kade, ke dragimasa sam karing tumende, kodo kamas, na feri te phenas tumenge le Devleski lashi vorba, vi amaro jilo avri shuvas anda tumende, ke zurales kamas tumen. 13 Ova, ande kado mindig najisaras le Devleske, ke kana pe Devleski vorba shunde amendar, na kade line la so manushendar si, kodolake so vi chaches si, le Devleska vorbake, so vi butyi kerel anda tumende, kon patyan.