Asharimata

51 Av drago karing mande, o, muro Del, tye bare kamipesa! Anda tyo baro jertimo khos mure dosha! 2 Khos tele sa mure bezexa, uzhar man kathar mure bezexa! 3 Ke zhanav, ke phaglem e krisi, thaj muro bezex sako vrama angla mandej. 4 Angla tu – majfeder angla tu – kerdem dosh, thaj kodo kerdem, so nasul si ande tye jakha. Ande kado chacho san, kana vorbis, chachij tyi krisi. 5 Ke bezexaleske rakhadyilem, thaj aba ande muri dej bezexalo simas. 6 Angla tute kodo si o shukar, kana ande manushesko jilo patyiv si; zhutin, te shaj avav godyaver ande muro jilo. 7 Uzhar man kathar mure bezexa izhopesa, uzho te avav! Thov man, majparno te avav, sar o jiv! 8 Lossh te shunav thaj voja, mukh te shaj losshan mure kokala, so kethane phagerdan. 9 Bolde tyo muj kathar mure bezexa, khos mure intregi dosha. 10 Uzho jilo ker ande mande, o, muro Del, thaj de ande mande nyevo duxo, zuralo. 11 Na shude man angla tute! Tyo sunto duxo na le mandar! 12 De, ke pale kasavi lossh te hatyarav, sar kana slobodisaran man, thaj inger man pe kodo, ke chache jilesa te patyav tyo muj. 13 Sityaro le doshalen pe tye droma, ke le bezexale palpale te zhan tute. 14 Slobodisar man, o, muro Del, kon muntil man, ke rat mukhlem avri, mukh vorbi muri shib vojasa tyo chachimo! 15 Oh, Jehova, puter muro muj, mukh vorbi pe tyo barimo! 16 Ke tu chi kodo kames, te kothe te dav tut variso – ke dos les me; chi rakhes lossh, kana phabon so das tut. 17 So fajil le Devleske, so shaj das: o phagerdo duxo. O phagerdo, o kethane phagerdo jilo, o muro Del, tu chi shudes. 18 Ker lasho le Shionesa, sar kames, cirde opre le Jeruzhelameske zidura! 19 Atunchi shukar avla angla tu, so ando chachimo den, ando phabon, so den tut, thaj ande intrego, so den tut. Atunchi guruven dena kothe pe tyo sunto than.