Lukach

3 Ande le Tiberius chasaresko rajimasko 15. bersh, kana la Judeake o Poncius Pilatus sas lesko raj, la Galileake o Herodes sas leske thanesko raj, la Itureake thaj la Trakonitiseske lesko phral, o Filip sas leske thanesko raj, thaj le Abileneske o Lizianias sas leske thanesko raj, 2 ande le Annasheske, le bare rashajeske, thaj ande le Kajafasheske dyesa le Devleski vorba reslas kaj o Janosh, kaj le Zakariashesko shavo ande pusta. 21 Apol, kana le manusha aba bolisarde, vi o Jezush boladaspe. Thaj sar rudyindas, phuterdyilas o cheri, 22 o sunto duxo tele hurajlas pe leste sar jekh gulumbo. Thaj vorba ashundyilas anda o cheri: „Tu san muro kamado shavo, ande tute si muri lossh.” 23 O Jezush kana tranda bershengo sas, las te slugil. Thaj chaches, sar le manusha gindinas, le Jozhefesko shavo sas, kon le Heliesko shavo sas.