1Timoteus

6 Chachoj, kodo lashi butyi si, kana o manush jilesa slugil le Devles, de feri atunchi, vojasa te kerela kodo. 7 Ke khanchi chi andam ande luma, thaj khanchi chi zhanas avri te ingras. 8 Kade pale, te si amen so te xas, si amen gada, kadala dosta si amenge. 9 Kodola pale, kon kamen te barvajven, kodolen andre cirdena, mukhen te zumaven len, thaj kodo kamena, so khanchi chi kherel thaj nasul si, so pustitin thaj rumun le manushen. 10 Ke le lovenge kamipe, sakofelo nasul butyi angle anel, thaj unyizhene, ke le love kamenas, mukhle o patyamo, thaj sako karing bari dukh kerde penge. 11 Tu pale, Devlesko manush, nash kathar kadal butya! Rode o chachimo, de tu perdal le Devleske, av po patyamo, po kamipo, inker avri, thaj av pachako jilesko! 12 Tordyuv avri ande chacho patyamo, xutyil zurales o lungo trajo. Pe kado trajo akharde tut, thaj kado phendan angla but manusha. 15 O vojako thaj korkori raj, sikavela peski zor kana avel e vrama. Voj si le Krajengo Kraj, thaj le Rajengo Raj, 16 Mashkar lende feri voj si kon chi merel, kon ando kham beshel kaj so khonyik nastig zhal, kas maskar le manusha khonyik chi dikhlas, thaj nashtig dikhel. Lesko t’avel e patyiv thaj e zor, so chi nachol! Amen. 17 Phen kodolenge, kon barvalej ande kadi luma, ke te na aven barimange, thaj te na patyan ando xoxamno barvalipe, pale ando Del, kon sakofelo but del amen, ande soste lossh si amen. 18 Phen lenge, te keren lasho, ova, ke but lasho te keren, thaj te zhutin, te aven gata, te ulaven kaverenca, so si len. 19 Kade kasavo barvalimo kiden penge kethane, so mishto tordyola pe kodol dyesa, so avna, sosa zhanen te zuraren pengo patyamo ando chacho trajo.