1Tessalonika

5 Phralale! Pe le vrami khanchi chi trubul te iskirisarav tumenge. 2 Ke vi tume mishto zhanen, ke le Jehovasko dyes kade aveltar, sar pe ratyate o chor. 3 Kana e manusha kodo phenen: „Pacha thaj bidaripe!”, atunchi sig, kana chi zhukaren, meripe avel pe lende, sar e rakhadyimaski dukh pe khamni romnyi, thaj chi sar chi muntunape. 11 Kade vi majdur mindig tromasaren, thaj zuraren jekhavres, sar vi keren kado. 12 Mangas tume, phralale, te patyivin kodolen, kon zurali butyi keren mashkar tumende, drom sikaven tumenge ande le Devleski butyi, thaj sama len pe tumende. 13 Zurales patyivalen thaj kamen len anda lengi butyi. Te aven anda pacha jekhavresa. 14 Thaj mangas tumen, phralale, te shuven thaneste kodolen, kon bipachakej, tumare vorbanca zuraren kodolen, kasko jilo brigakoj, zhutinen le kovlen, thaj t’aven pachake sakonesa. 17 Ande sako vrama rudyinen!