Sikadyimaski

9 Pala kodo dikhlem bute manushen, kas khonyik chi zhanglas te ginavel, andar sako nipo, falo thaj shib. Angla krajicko skamin thaj angla o bakro tordyonas, ande parne gada, thaj ande lenge vast palmenge krangi sas. 10 Thaj numa kado cipisarenas: „O muntusarimo amare Devleske shaj najisaras, kon po trono beshel, thaj le bakreske!” 14 Me pale kodo phendem leske: „Tu zhanes Raja.” Voj pale kodo phendas mange: „Von si kodola, kon avri aven ande baro chorrimo, thaj avri thode penge gada, thaj parne kerdyile ande le bakresko rat. 15 Anda kodo von angla le Devlesko trono si, haj vi ratyi, vi dyese sunto slugipo te keren leske ande leski khangeri. Haj kodo, kon po trono beshel, avri cirdela peski cerha pe lende. 16 Chi avna majbut bokhale, chi avna majbut trushale, chi o kham chi pekel pe lende, chi petyona kathar o baro tatyipe, 17 ke o bakro, kon pasha le krajicko skamin si, sama lela pe lende, thaj ingrela len kaj le trajoske paja. Thaj o Del tele khosel sako asva pa lenge jakha.”