Aposhtola

16 Reslas ande Derbe, haj vi ande Listra. Sas kothe jekh Timoteus anavesko sityardo, kon jekha bibolda romnyake, kon patyajlas, haj jekhe gricko dadesko shavo sas. 2 Le phral, kon ande Listra haj ando Ikoniumo sas, but lashimata phenenas pa leste. 3 O Pal kodo kamlas, ke o Timoteus lesa te inkrel po drom. Kade xutyidas les, haj krujal shinadas les, anda kodo, ke le bibolde, kon kothe beshenas, sakon zhanelas, ke lesko dad gricko sas. 4 Kana phirenas pa forura, phenenas kodalenge, kon kothe beshenas, hoj te inkren kodo, so mangen le aposhtolura thaj e phure, kon ando Jeruzhalemo sasle. 5 Kade, le khangera vi majdur zurardine ando patyamo, thaj pa jekh dyes po kaver majbutzhene patyanas. 6 Von perdal geline pa Frigia, haj pa le Galaciake phuva, ke o sunto duxo chi mukhlas lenge, ke ande Azhia te inkren le Devleski vorba. 7 Haj kana ande Mizia resle, zumade te zhan ande Bitinia, de le Jezushesko duxo chi mukhlas len. 8 Anda kado von perdal geline pasha Mizia, haj tele geline ando Troaso. 9 Pe ratyi o Pal dikhlas jekh sikadyimo: jekh makedonicko mursh angla leste tordyilas haj kade mangelas les: „Av perdal ande Makedonia, haj zhutin amen!” 10 Pala soste kado sikadyimo dikhlas, ame sidyarasa ande Makedonia te zhas, ke kade hatyardam, ke o Del akhardas amen kothe, ke te ingras lenge e lashi vorba. 16 Kana pale pe kodo than gelam, kaj so te rudyin sityile, angla amende avilas jekh sluga shej, ande kaste duxo, drabari demono sas. Voj barvajardas peske rajen kodolesa, ke drabarelas. 17 Kadi shej mindig zhalas pala o Pal, thaj pal amende, thaj kade cipilas: „Kadal manusha le majbare Devleske slugij, thaj kodo phenen tumenge, sar shaj muntun tume!” 18 Kado pe but dyes kerdas. O Pal pala kodo andre khinyilas, boldaspe, thaj kade das duma kaj o duxo: „Ande le Jezush Kristushesko anav dav pe tute duma, te zhas avri ande late!” Vi avri gelas inke ande kodo chaso.