1Tessalonika

3 O Del kodo kamel, ke t’aven sunto, haj te na keren zhungale sexualisha butya. 4 Mashkar tumende savorazhenenge trubul te zhanen, sar te rajin pe pesko teshto, haj ke t’avel kodo sunto, haj patyivalo, 5 haj te na mukhen te tradel tumaro jilo le biuzhe sexualisha gindura, sar kodola nipura keren, save chi pinzharen le Devles. 6 Haj khonyik tena zhal majdur pa kodo, sar mishto si, thaj te na azbal peske phralesko jilo, ke o Jehova marel kodolen, kon kasave butya keren, sar vi anglal aba phendam tumenge, haj vi kodo, ke len sama pe kado. 7 Ke o Del na po biuzhipe akhardas amen, feder po suntipe. 9 Pa le phralesko kamipe chi trubuj te iskirisarav tumenge, ke tumen o Del sityardas pe kodo, ke te kamen jekhavres. 10 Haj tumen sako phralen kamen anda le intrego Makedonia. De mangas tumen phralale, ke inke majzurales kamen le phralen.