Heberenge

6 Apol akanak, ke aba hatyaras le angluno sityaripo pal o Kristush, haj pe kodo avas, ando jilo majfeder te hatyaras so kamel o Del. Chi sityaras pale, so aba zhanas. Kasave sityaripe, sar: trubul te bununas le mule butya, thaj trubul te patyas ando Del, 2 pa bolimatango sityaripe, haj pa vastesko shutipe, pa mulengo opre ustyipo, haj pa o biagoresko krisaripo. 3 Haj vi kade kerasa, o Del te mukhela. 10 Ke o Del naj xoxamno, te bisterdyol pa tumare butya, thaj po kamipe, so karing lesko anav sikade avri kodolesa, ke le suntongo sluginde, thaj vi majdur slugin. 11 De ame kado kamas, ke chi jekh mashkar tumende, te na xasarel peski harnyika, thaj atunchi, so zhukaren, ande kodo zurales te patyan, zhi po agor, 12 thaj te na mukhen tumari butyi, feder sityon kodolendar, kon zhanen te zhukaren, thaj perdal lengo patyamo te len kodo, so shinade lenge! 13 Ke kana o Del le Abrahameske das peski vorba, apol ke lestar nas khonyik majbaro pe kaste te del colax, pe peste das colax, 14 haj kado phendas: „Chaches aldinava tut, haj but shavora dav tut.” 15 Haj pala kodo o Abraham pachasa zhukardas, xutyildas kado shinaipe.