1Peter

2 Bararen kasavo kamipo karing e Vorba, sar le cine shavora si karing o chacho thud, thaj perdal pa leste te barardyon po muntujipe, 11 Mure kamade, sar strenen, kon naj khere ande kadi luma, zurarav tumen, te inkren tumen kathar kodo so o teshto kamel, so tele kamel te marel tume. 12 Len sama shukares te trajin mashkar le nipura, ke kana kodo phenen pe tumende, ke nasula san, te dikhen tumaro lashimo, thaj kade te asharen le Devles pe lesko baro dyes. 13 Mukhen tume le manushengi krisake anda o Raj, vi le krajenge, sar le majbareske, 14 vi le kaverenge, kaske si zor, sar kas voj bishaldas, ke kris te shinen pe bezexale, de te asharen kodolen, kon mishto keren. 16 Slobodi manusha san, de na pe kodo te hasnin tumaro slobodipe, ke kodolesa te sharaven tumare nasula butya, ke kade te trajinen lesa, sar le Devleski slugi. 17 Patyivinen sakofelo manushen, kamen sako phralen, daran le Devles, patyivinen le krajes. 20 Lashimo si, kana anda kodo maren tume, ke bezex kerde, thaj tume pachake ashen? De kana atunchi maren tumen, kana o lasho keren, kodo dragoj angla o Del. 21 Vi chaches pe kado akharde tumen, ke vi o Kristush pe dukha gelas perdal anda tumende, thaj sikadas tumenge o drom, ke te zhas pala leski vurma. 25 Ke kasave sanasle, sar le hasarde bakre, da akanak palpale avile kaj tumaro pastori, kon sama lel pe tumaro trajo.