2Korintus

2 Feder dumo boldas le lazhavane, le nasul thaj charde makhle butyange, chi shinas perdal kaveren, thaj chi le Devleski vorba chi boldas avri. Ke pinzharavas o chachimo, angla o Del sikavas amen sakone manusheske jileske. 3 Garado te si e lashi vorba, so phenas, angla kodala si garado kon xasajven, 4 mashkar kodola, kaski godyi kadala lumako Del korrardas, kon chi patyan, te na dikhen o kham, so e lashi vorba sikavel, so po Kristush vorbil, kon kasavoj sar o Del. 7 Amare kinchura ando tejari si, ke te dichol, ke e majbari zor, sosa sikle sam, na amendar, de kathar o Del si. 8 Pa sogode riga kikiden ame, de na kade, te ne zhanas te mishkinas ame. Chi zhanas so te keras, de si angla amende drom. 16 Kade chi das opre. Inke avral vi te rumusajvas, andral sako dyes majnyeve kerdyuvas. 17 Ke o dukh inke skurtoj, thaj naj pharo, de kasavo barimata anel amenge, so majdur, thaj majdur bararel, thaj biagoresko. 18 Anda kadi vrama na pe kodo dikhas, so dichol, feder kodo, so nashtig shaj dikhas. Ke so dichol, kodo chi ashel butaig, de so nashtig shaj dikhas, kodo biagores.