Titus

4 kade pe kodo te sityaren e terne romnyan, te kamen penge romes, thaj penge shavoren, 5 t’aven godyavera, t’aven uzhe, butyake, lashe, thaj te mukhenpe penge romenge, anda kodo kavera te na kushen e Devleski vorba. 10 thaj te na choren len, feder t’aven uzhe, thaj chache, thaj anda sako butya asharen o shukarimo, so sityarel amaro Del, kon muntul amen. 11 Ke o Del avri sikadas pesko dragimo, so chi phirel ame, so sakone manushes po muntusarimo ingrel. 12 Lesko dragimo pe kado sityarel amen, te phenas palpale o bidevlimo thaj so e luma kamel, thaj kade te trajinas ande kadi luma, ke godyavera sam, chachikane sam, thaj intregi jilesa slugisaras le Devles, 13 zhi kaj zhukaras te kerdyol amari voja, so shinadoj, thaj te sikadyol amare bare Devlesko, thaj le Jezush Kristushesko asharimo, kon muntil amen. 14 O Jezush pes das anda amende, te slobodisarel amen kathar sakofelo nasul krisi, thaj te uzharel peske jekh nipos, so feri lesko si, thaj kon but lashimo keren.