Janosh

28 Anda kado o Jezush kado phendas: „Kana opre vazdena le Manushesko Shaves, atunchi zhanena, ke me som, thaj me khanchi chi kerav mandar, feder kado phenav, so o Dad sityardas mange. 29 Thaj kon bishaldas man, manca si. Chi mukhlas man korkoro, ke sako vrama kodo kerav, so fajil leske. 31 Pala kodo, o Jezush kadi phendas kodolenge biboldenge, kon patyanas leske: „Te mindig inkren muri vorbi, atunchi chachikanes mure sityarde san, 32 thaj pinzharen o chachipe, thaj o chachipe slobodisarel tumen.” 36 O Shavo te shola slobodeske tume, vi chaches sloboda avena. 44 Tume kathar tumaro dad, kathar o Beng san, thaj kodo keren so tumaro dad kamel. Kodo aba dulmut mudarelas le manushen, thaj rigate gelas kathar o chachipe, ke chi kamel o chachipe. Anda kodo xoxavel, ke voj kasavoj. Voj xoxamno si, thaj voj si le xoxajimasko dad.