Sikadyimaski

6 E romnyi pale ande pusta nashlastar, pe kasavo than, so o Del angle kerdas lake, ke kothe te xaxaven la zhi kaj 1260 dyes. 7 Thaj baro maripe maladas avri ando cheri: o Michael thaj peske andyala mardepe le sapesa. Vi o sap mardaspe peske andyalonca kethane, 8 de tele marde len, thaj majbut aba nas len than ando cheri. 9 Tele shudine le bare sapes, le dulmutane sapes, kas le Bengeske, thaj le Shatanoske akharen, kon e intrego phuv rigate ingrel. Tele shudine les pe phuv, thaj vi leske andyalon tele shudine lesa kethane. 10 Shundem, ke jekh hango kado cipil ando cheri: „O Del akanak andas o muntusaripe, peske zorasa majbaro sas, lesko krajipo kerdyilas, thaj o Kristush raj kerdyilas, ke tele shude kodoles, kon amare phralen doshajarel, kon vi dyese vi ratyi doshajarel len angla amaro Del. 11 Thaj tele marde les le bakreska ratesa thaj la lasha vorbasa, pa soste vorbinas, thaj gata sas kothe te den pengo trajo. 12 Anda kado lossha, tu cheri, thaj tume, kon kothe beshen! Jaj la phuvake thaj le bare pajeske, ke tele avilas tumende o Beng, bara xojasa, ke zhanel, ke cerra vrama si les. 14 Atunchi e romnyi jekh chirikjako duj bare phaka las, ke ande pusta te hural pe pesko than, ke kothe te xaxaven la zhi kaj jekh vrama, haj vrami haj dopash vrama, dur kathar o sap.