Lukach

12 Pelaspe ande kodola dyesa, ke o Jezush avri gelas po plaj, te rudyil, thaj sorro ratyi anda rudyimo vorbindas le Devlesa. 31 Thaj sar kamen, te keren tumenca le manusha, kade keren vi tumen lenca. 32 Kana kodolen kamen, kon tumen kamen, sosko lasho keren? Inke vi le bezexale kamen kodolen, kon len kamen. 33 Thaj kana kodolenca keren lasho, kon tumenca lasho keren, sosko lasho keren? Inke vi le bezexale keren kado. 34 Kana pale kodolenge den unzhule, pe kaste zhanen ke palpale den len, sosko lasho keren? Inke vi le bezexale den unzhule, kana zhanen, ke kattyi den len palpale. 35 Majfeder, kamen tumare xojarden, thaj keren lasho thaj den unzhule, kade, ke chi zhukaren palpale khanchi; thaj baro potyinipe den tumen, thaj le majbare Devleske shave avena, ke voj dragoj karing kodola, kon chi najisin, thaj vi kaj le nasula. 36 Vi majdur t’aven lashe jileske, sar vi tumaro Dad lashe jilesko si. 40 Naj majbaro o sityardo kathar pesko sityari, de sakon, kon bidoshalo sityaripo xutyildas, kasavo avla sar lesko sityari.