Efezush
4 Mangav apol tumen, me, kon phanglo som ando Raj, phiren patyivales kaj kodo akhardipo, sosa akharde tumen, 2 t’aven sako vrama tele bandyarde, haj pachaki jilesa, haj zhukar anda jilo, haj kamipesa trajinen pasha jekhavreste, 3 ando jilo keren butyi, haj len sama pe kado, te ashen jekh anda duxo, ande pacha, so kethane inkrel. 4 Jekh teshto si, thaj jekh duxo si, sar vi kodo jekh si, so zhukaras, pa soste akharde tumen, 5 Jekh Raj, jekh patyamo, jekh bolipe, 8 Anda kado phenel o Iskiripe: „Kana opre gelas po ucho, ingerdas pesa tele xutyilden, thaj manushen das jive.” 11 Thaj voj unyizhenen aposhtolenge das, unyizhenen profetange, unyizhenen lashi vorba te phenen, unyizhenen pastorenge thaj sityardenge, 12 te sityaren le suntonen, te sluginen kaveren, thaj bararen le Kristushesko teshto, 13 zhikaj savorazhene chi avas jekh anda patyamo, haj le Devlesko Shavo chacho pinzharimo, haj chi avla kasavo, sar jekh mursh, kasavo, sar o Kristush. 15 De feri o chachimo te phenas, haj ando kamipo te baruvas anda sakofelo, kaj o Kristush, kon o shero si. 16 Perdal pa leste kethane phandel le intrego teshtos thaj le kokala, so zhutil mishto te keren butyi kethane, sar trubul. Kana le teshtosko sako kotora mishto keren pengi butyi, atunchi o teshto mishto baruvel, thaj opre cirdel pes anda kamipo. 22 Pe kodo sityarde tumen, ke len tele le dulmutano manushes, so kasavoj, sar tumare dulmutane butya, thaj so rumusardoj anda le xoxamno kamimata. 23 Vi majdur keren nyevi tumari godyi, 24 thaj len pe tumende le nyeve manushes, so o Del pe peski voja kerdas, thaj kado ande chachikano chachipe, thaj ande patyiv tordyol. 25 Apol anda kado shinen tumen kathar o xoxamnipe, haj sakon te phenel chachipe peske phraleske, ke savorazhene anda jekh testho sam. 26 Xojajven, de te na keren dosh. Te na zhal tele kade o kham, ke xojarika san. 27 Na den than le Bengeske. 28 Kon chorel, majdur te na chorel, feder zurales te kerel lashi butyi, ke t’avel so te del le chorrenge. 29 Te na avel avri zhungali vorba andar tumaro muj, feri kasavo, so bararel, haj so trubul, te zhutil kodolen kon shunenla. 31 Slobodisaren tume sakofelo kerkipestar, xojatar, xapestar, cipipetar thaj kushimastar, thaj kathar sakofelo nasulimo. 32 Te aven karing jekhkavereste dragi, lashe, thaj andar o jilo jertinen jekhkavreske, sar vi o Del, vi tumenge andar o jilo jertisardas anda o Kristush.