Marko

13 Pala kado bishalde leste unyizhene mashkar le farizeushura, thaj mashkar kodolen, kon pasha o Herodesh sas, te zumaven te xutyilen les anda leski vorbi. 14 Kana von kothe reslas, kado phendas leske: „Sityardo, zhanas, ke chachimo phenes, thaj sityares, thaj chi dikhes kodo, sar dikhen avri le manusha, thaj o chachimo sityares pa kodo, so kamel o Del. Slobodoj te potyinas le chasareske, so voj mangel, vaj na? 15 Potyinasa, vaj na?” De o Jezush dikhlas, ke von charde makhlej, thaj anda kado, kado phendas lenge: „Sostar zumaven man? Sikaven mange jekh denaro, te dikhav kodo!” 16 Kothe andine leske jekh, thaj voj kado pushlas: „Kasko muj, haj iskiripe si kado?” Kado phende leske: „Le chasareskoj.” 17 Atunchi o Jezush kado phendas: „Potyinen palpale le chasareske so le chasareskoj, haj le Devleske, so le Devleskoj.” Thaj zurales chudinaspe pe leste. 29 O Jezush kado phendas leske: „Kadoj o angluno: »Ashun, Izrael: O Jehova amaro Del si, haj feri jekh Jehova si. 30 Thaj te kames le Jehovas, tyire Devles, tyire intregone jilesa, tyire intregone dyisa, tyire intregone godyasa thaj intregone zorasa.« 31 O dujto pale kado si: »Te kames le manushen, sar tut.« Kathar kadal naj majbaro krisi.” 36 Kathar o sunto duxo, o David kado phendas: »Kodo phendas o Jehova mure Rajeske: ’Besh pe muri chachi rig, zhi kaj tye xojarden tela tye punre shav.’« 41 Apol, voj tele beshlas angla kodo than, kaj le manusha love den kaj le khangeraki butyi. Thaj but barvale manusha but love dine. 42 Pala kodo avilas jekh chorri phivji, thaj das duj cine love. 43 Atunchi o Jezush kothe akhardas peske sityarden, thaj kado phendas: „Chachimasa phenav tumenge, ke kadi chorri phivji majbut das sakonestar. 44 Ke kodala sogodi anda pengo barvalimata dine, de voj sa kothe das, so sasla po trajo.”