Galacia

6 Phralore! Kana varikon chi pinzharel opre, ke dosh kerel, atunchi tume, kon zurale kristianura sanle, kovles zumaven thaneste te shon les. De vi pe tumende te len sama, anda kado, te na peren vi tumen ando zumajipe. 2 Vi majdur phiraven jekhkaveresko pharipe, thaj kade le Kristusheski krisi inkrena. 4 De sakono pes te dikhel, voj so kerel, thaj atunchi kodoleske losshala, voj so kerel, thaj na anda kodo, pasha kavereste te shol pes. 5 Ke sakon pesko pharipe ingrela. 7 Te na ingren tumen rigate: le Devles nashtig xoxaven. Ke so ande phuv beshajarel o manush, kodo kidel tele. 9 Kade chi das opre, te keras o lasho, ke te na xasaras amari zor, atunchi kidasa, kana e lashi vrama avela. 10 Anda kado, zhi kana zhanas, keras lasho sakonesa, de anglunes amare phralenca ando patyamo.