Lukach

21 Kana opre dikhlas, thaj sama las, ke le barvale love dine kaj le khangeraki butya. 2 Atunchi dikhlas, sar jekh chorri phivji del duj cine love. 3 Thaj o Jezush kado phendas: „Chachimasa phenav tumenge, ke kadi chorri phivji majbut das sakonestar. 4 Ke kodala sogodi anda pengo barvalimata dine, de voj sa kothe das, so sasla po trajo.” 5 Pala kado, kana unyizhene pe kado vorbinde, ke le khangeraki barra che shukar, haj le but butya, so kothe dine le manusha, 6 voj kado phendas: „Avena dyesa, kana sa anda kadal, so kathe dikhen, chi ashola barr po barr, so tele na pustinas.” 7 Pe kado pushline les: „Sityardo, kana avna kadala, thaj so avla so sikavel, kana kadalenge si te perenpe?” 8 Kado phendas lenge: „Len sama, ke te na xoxaven tumen! Ke but zhene avena ande muro anav, haj kodo phenena: »Me som«, haj: »pasha si e vrama«. Te na zhan pala lende! 9 Majdur, kana pa maripe, thaj pa kecitora shunen, te na darajven. Ke kadala anglunes trubul t’aven, thaj o agor feri pala kado avla. 10 Pala kado kodo phendas lenge: „Nipo zhala niposke, thaj krajipe krajipeske, 11 thaj zurales mishkilape e phuv, pe jekh than po kaver nasvalimata, thaj bokh avna, thaj avla butya sostar darana, thaj bare chudi ando cheri. 12 De majanglal sa kadala pecilpe, xutyilena tumen, haj nashavena tumen, thaj perdal den tumen le zhinagogenge, haj ande temlica shuden tumen. Angla krajende, haj angla bare manusha ingrena tumen anda muro anav. 13 Kede, tume shaj vorbinen pa kodo, anda soste patyan. 14 Len ande tumaro jilo, te na phagren tumaro shero, sar te vorbin. 15 Ke kasave vorbi, thaj godyi dav tumen, ke chi jekh mashkar kodola, kon xojajven pe tume, chi zhanla duma te del pe kodo. 16 Avri dena tumen tumare dada haj deja, tumare phral, tumare nyamura, haj amale, haj unyi zhene merena mashkar tumende, 17 thaj sako manush gracola tumen anda muro anav. 18 De chi jekh bal chi xasajvela pa tumaro shero. 19 Anda kodo, ke avri inkrena, muntona tumaro trajo. 20 Kana pale dikhena, ke ketani ande but cerha beshena, thaj krujal lena le Jeruzhalemos, zhanen, ke avilastar lesko pustipe. 21 Atunchi kon ande Judea avna, te nashen ande plaja, thaj kon ande si o foro, te nasheltar kothar, kon apol pe gavaj, te na zhan andre ande o foro. 22 Ke krisaraki dyesaj kadala, ke andre te pherdyol sa kodo, so iskirime si. 23 Chorre le phare, haj chuchi dine romnyange ande kodol dyesa! Ke baro kikidyipe avla pe phuv, haj la krisaki xoji pe kado nipo. 24 Pe xanre cirdena len, thaj tele xutyilen len, kade ingren len mashkar le but nipura; thaj le Jeruzhalemes marena le nipura, zhi kaj tele phirel le nipongi vrama, so avri phende pe lende. 25 Thaj somnura avna ando kham, ando shonitiko, haj ande le cherhaja, thaj pe phuv baro dar avna mashkar le nipura, ke le bare paja zuralo hango dela, thaj mishkinape. 26 Atunchi le manusha zurales darana kodolestar, so trubul te avena pa le intrego phuv, ke mishkinape le chereske zora. 27 Atunchi dikhena le Manushesko Shaves, sar avlatar ande felhovura, zorasa, haj bare rajimasa. 28 Kana pale dikhena, ke sa kadal pherdyola, cirden tumen avri, haj vazden opre tumaro shero, ke pashe si tumaro muntusaripe.” 29 Pala kado o Jezush phendas jekh pelda: „Dikhen le figenge kashtes, thaj vi le majbute kashten. 30 Kana avri puterdyon, zhanen, ke pashe si o milaj. 31 Kade vi tume, kana kadala dikhen ke perenpe, te zhanen ke pashe si le Devlesko krajipo. 32 Chaches phenav tumenge, chi nacholtar kado generaciovo, zhi kaj kadal sa chi pecinape. 33 O cheri thaj e phuv nachonatar, de muri vorbi chi nachonatar. 34 Sama len pe tumende, te na xan but, te na pen but, thaj la lumake gindura te na phanden tume tele, thaj na kade te resel tume kodo dyes, sigo, kana chi zhukaren, 35 sar kana chirikja xutyilen. Ke aveltar kodo pe sakoneste, kon pe phuv beshen. 36 Te na soventar, mindig rudyinen, te zhanen te muntun tume kathar kodo, so trubul t’avel, thaj te shaj tordyon angla le Manushesko Shavo.” 37 Dyesesa ande e khangeri sittyarlas, ratyasa pale avri zhalas pe le Ulejenge kashtengo plaj beshlas. 38 De aba sigo detehara kothe zhanas leste sa le intrega manusha ande khangeri, te ashunen les.